Soal Bahasa Madura dan Kunci Jawaban UAS Kelas 4

Reng Dhisa Entar Ka Kotta


Lamba’, ghi’ jhaman kona e dhisa ghi’ tada’ listrik, bada Reng dhisa entar ka kotta bakto malem abareng kancana. Dapa’ ka kotta Reng dhisa ghella’ pas ngoca’, “Le’-le’, pojhur dapa’ karammena”. Kancana atanya, “Ma’ da’ iya, Ka’?”. Reng dhisa ghella’ ajawab, “Iya, sabab teppa’ kapasaran”. Kancana nyaot, “Abaaa banne da’ iiiya, dinna’ reya kotta se salanjhangnga are lakar ramme terros”. Reng dhisa ghella’ pas ambu ju’-toju’ teppa’ neng babana pangpangnga listrik. Bakto adanga ka’ attas ngatela neon se tera’ pas ngoca’, “Ya, Le’, se malang lanjhang e attas rowa ma’ bisa tera’ jha’ ghun dari atena kan gheddhang?”. Kancana nyaot, “Baaa arowa neon ekaghabay dari kaca”. Ta’ abit pas ngajhak da’ restoran. Neng restoran bakto ngakan nase’ tanangnga tabalik negghu’ sendo’ garpu. Aherra bibirra loka kabbhi, jhuko’na e ghlutok kol-bungkol sampe’ gung-plenggungan. Kancana takerjhat ngatela Reng dhisa ghella’ se ta’ bisa aghluno’ lajhu abhuk-bhuk ghul-ongghulanna. Tape serrena kadaddhiyan ghella’ ta’ lombra neng dalem restoran maka sakabbhina oreng nyangka bada carok raja. Sakabbhina katako’an ablessadhan seburuwa kalowar. Reng dhisa ghella’ ban kancana pas noro’ buru kalowar ta’ aromasa jha’ amarga dari tengkana aba’na dhibi’. Tape oreng bannya’ atamba salbut saellana ngatela Reng dhisa ban kancana se pada buru esangka nabangnga oreng bannya’. Saterrossa se kaduwa pas ajhalan ngeterre kotta. Dapa’ da’ settong kennengngan Reng dhisa ghella’ kasambu’ pole ngatela me-ramme pas atanya da’ kancana, “Bada onjhangan apa rowa?” Kancana nyaot, “O, rowa oreng nengghuwa biskop!”. Reng dhisa ghella’ pas ngajhak kancana terro nengghuwa tape kancana ta’ enda’ tako’ nemmo kaler pole. Saterrossa pas mole. (M. Rasyad)
I. Pele settong jawabhan se paleng bender pas berri’i bunterran neng horop a, b, c, otaba d!
   Kaangghuy soal no.1 sampe’ no.5 jawabbha nyare neg careta e attas!
1.   Reng dhisa kasambu’ da’ neon se tera’ amargha esangghu ...............
      a. nang-konang          b. dhamar      c. senter                     d. atena kan gheddhang.
2.   Arapa ma’ loka kabbhi bibirra Reng dhisa ghella’ ? Polana ...........
      a. labu               b. sala negghu’ sendo’ garpu       c. takekke’     d. egharu
3.   Arapa oreng se bada neng restoran ma’ buru kabbhi? Polana ............
      a. nyangka bada tokar                       b. nyangka bada perrang
c. nyangka bada carok raja               d. nyangka bada copet
4.   Apa maksotta careta e attas? Nyareta’aghi oreng se .........
      a. lebur jar-kalenjar                             c. entar ka kotta                 
b. korang pangalaman                      d. nengghu me-ramme e kotta
5.   Se ngangghit/ngarang careta e attas ...............
      a. Pa’ Ghuru    b. M. Rasyad             c. M. Drajid                d.R. Taha
6.   E Dhangka bada apoy ta’ ghellem mate. Oca’ “dhangka” artena ...........
a. kandhang    b. parenduan            c. bengko                   d. pamajhangan
7.   Le-ollena Nom Suryo ce’ bannya’na. Okara panyapa se paleng bender
      a. Dhari ka’dimma, Nom?                  c. Abakta ponapa, Nom?
      b. Mondhut ponapa, Nom?               d. Meyossa da’ ka’dimma, Nom?
8.   Ba’na jha’ asola da’iya ta’ lebur eabassaghi! Asola maksodda ..............
      a. atengka        b. acaca                     c. alako                      d. atareka
9.   Kana’ bine’ rowa robana sedda’ manes, socana mella’ ta’mare, obu’na male’ katopa’ seddhengan palembayya .............................
      a. neter kolenang b. tas-peltasan    c. lemmes                 d. meltas panjhalin
10. pe=pe=   ebaca ...............
      a. pangpang    b. pengpeng             c. pongpong              d. perper
11. Lamon sakolaan la eparenta notop, ba’na dhuli mole!
      Okara e attas metorot ba’na?
      a. kodhu bhasaaghi   b. ta’ osa bhasaaghi                       c. ta’ tao         d. wa’-duwa’
12. Okara neng soal no.11 e attas biasana sapa se ngoca’ da’iya?
a. kanca            b. anom                      c. embu’                     d. ale’
13. “Gerse’” tolesan carakan madhurana .....................
      a. ge/sih           b. ge=[sh                  c. g}[sh                  d. ge/[sh
14. Ngala’ sere epepesa
      Esarenga ghan sakone’
      Kaneserre oreng towa
      Se meyara kabit kene’
      Neng pantun e attas bada nasehat aropa okara “kaneserre oreng towa”, arapa polana?
      a. laseppo     b. tako’ dhusa              c. se meyara molae kene’   d. kawajiban
15. Atambana majhu settong masyarakat areya bannya’ etantowaghi cara apekker tor cepet narema cara-cara ”kreatif ban inovatif” se dateng dhari lowar aba’na. Se gampang apekker ban ceppet narema kamajhuan biasana .....................................
      a. oreng penter se tengghi elmona c. oreng kaya se lambha’an
      b. oreng budhu se manodhan         d. oreng kobasa bannya’ massana
16. Oreng .............. bisa eajhak arembhaghan kaangghuy nombuaghi pamangghi monggu da’ oreng se bada e sakobengnga.
      Oca’ se sorop ngesse’e ti’-titi’ neng okara e attas?
      a. kaya              b. penter                    c. budhu                    d. kecca’
17. Pa’ Noer bekkas Gubernur Jhaba Temor. Bekkas artena .....................
      a. lampet         b. re-karena                c. telas                        d. toman dhaddhi
18. Lalampanna Pa’ Noer patot ..................... ban etero.
      Oca’ se sorop ngesse’e ti’-titi’ neng okara e attas?
      a. earghai         b. ealem                     c. etendha                 d. ebaca
19. Pa’ Noer bhabhar e Sampang taon 1918. Bhabhar laen oca’na ...........
      a. jhumenneng                       b. seda           c. bada                       d. rembi’/laher
20. Bungkana nyeor se o’-lao’ rowa ghi-tengghian. Ghi-tengghian artena ...
      a. lor-ngoloran b. jur-lanjuran           c. paleng tengghi     d. paleng raja
21. Abdul Kadir Munsyi. Etoles rengkes ........................
      a. Abd. Kadir Munsyi  b. Abd. K. Munsyi     c. A. Kadir M  d. Abd. K. M
22. Tolesan ”Wassalamu’alaikum wr. wb.” neng sorat enyamae ................
      a. alamat sorat b. salam pamokka’  c. essena sorat         d. salam panotop
23. Tolesan   -   esebbhud ...................
      a. papaten        b. soko malja             c. pedher                   d. perper
24. Brinto jhugan elmo paghi’
      Paalos pekker ghi’-ghighi’
      Dhina maske carghi’-carghi’
      Dhalatene kantos merghi’
      ”Elmo paghi’” neng sa’ir e attas artena .......................
      a. elmo akherat           b. elmo dhunnya      c. elmo agama          d. elmo celleng/seher
25. Andhap asor da’ embu’ eppa’ tandha bakte ana’ da’ oreng towa. Andhap asor artena ........
      a. dep-ngendep          b. tengka pola becce’          c. ngarghai    d. toro’ oca’
26. Bila lamare jhar-ajharan lat-alat tolessa ajhum pateppa’! Ajhum tabhaligga .....................
      a. nabuy           b. klacer                     c. bujhar                     d. atal-talan
27. k-[a  ebaca .................
      a. krae               b. klare                       c. kyamat                   d. kyae
28. Sape sono’ iya areya pasangan sape bine’ esae’ ngangghuy pangonong ta’ osa kaleles. ”Sape sono’ ” artena sape ................
      a. pajhangan   b. kerrap                     c. nangghala                        d. bine’
29. ”Sape kerrap se Banjir rowa andi’na Ke Bakir”. Andi’na bhasana .........
      a. peyaraanna b. obuanna               c. kaghunganna      d. kebanna
30. Senengghu kerrap enga’ ba’a, namdhaaghi ce’ ...................
      a. bannya’na   b. rammena               c. possa’na                d. sella’na
31. “Settip” tolesan carakan madhurana ..........................
      a. setiTp\       b. [stiTp\             c. stiTp\                d. settip\
32. tar, ter, tor = Jha’ entar mon ketter ma’le ta’ epacentor. Enyamae okara
      a. samporna     b. panyoro                 c. rengkes                  d. kakanten
33.”Ta’ cokba maenga’”. Bhasa engghi bhuntenna ...............................
      a.ta’ ambu maemod                            c. terros maemod
      b.ta’ tobang maemod                         d. ta’ tona maemod
34. Apoy neng e Dhangka Mekkasan rowa kalonta sampe’ ka Jhaba.
      Kalonta artena ..........................
      a. kasebbhut    b. baratta                   c. kaonar                    d. kaberta
35. Emba maca sorat kabar. Okara panyapana se paleng teppa’ ...............
      a. Maos ponapa, Ghung?                             c. Mondhut ponapa, Ghung?
      b. Maos ponapa, panjhennengan, Ba?      d. Ponapa se emaos, Ba?

II.  Esse’e ti’-titi’ se bada neng okara e baba reya ban oca’ se ce’ soroppa!
1.    Saellana prao ngandhas, panompangnga lajhu kalowar pas asalen tompangan. Ngandhas maksodda ..............................
2.    Pajhalanna .................................., socana murka’, alessa andaun memba seddhengngan obu’na male katopa’.
3.    m[lh k[toph   ebaca ................................................
4.    Kalarassa gheddhang bighi
Gheddhang embhuk not-pennodhan
Malaraddha ta’ andi’ ghighi
Ngakan serbhuk mot-.......................................
5.    Oca’na Embu’. “Oca’na” bhasa engghi bhuntenna ................................
6.    Oreng se bisa dhaddhi panodhan ban aghuna mongghu da’ oreng bannya’ enyamae  ............
7.    Neng tolesan carakan madhura “ta” sopaja asowara “tre” kodhu epasange/etambai ....................... ban .........................
8.    Eantarana dha-tandhana sa’ir iya areya keccab pongkas budhina ........
9.    Pa’ Noer jhumenneng Gubernur Jhaba Temor taon 1967-1976.
Jhumenneng artena ..............................................
10. Tang kaka’ sateya dhaddhi ghuru maghang neng SDN Cenlecen 2.
Ghuru maghang artena alako ngajhar tape ............................................

III. Jawab petanya e baba reya kalaban jawabhan se bender!
1.    Sebbhuddhaghi laen oca’na jhung santa’an bannya’na 5 oca’!
2.    Bhasaaghi okara reya metorot ondhaggha bhasa!
Anom     : ”Men, ba’na degghi’ entar ka bengko ban ale’na!”
Saimen  :“Iya, Nom, sengko’ abarengnga ale’ tape ameddha ghallu da’ embu’ mon ebaghi”.
3.    Salen da’ carakan madhura okara “ dhokarra nyese kacer”!
4.    Toles okara kakantenna “ta-ta-ta”!
5.    Apaan bhai se tamaso’ pangangghuy panyeghek neng tolesan carakan madhura?

KONCI JAWABHAN SOAL UAS Semester 1 KLS 4  B. MADURA SARE TAMAN
I.  PG                       
1.    d                                                                      
2.    b                      
3.    c                      
4.    b                      
5.    b                      
6.    c.                     
7.    c                      
8.    a                      
9.    d                      
10. b                      
11. b
12. c                      
13. d                      
14. c                            
15. a                      
16. b                            
17. d                      
18. a                      
19. d                      
20. c
21. a
22. d
23. b
24. c
25. b
26. b
27. d
28. a
29. c
30. b
31. a
32. d
33. b
34. c
35. a

II.  IS
1.   nyese kapengghir
2.   neter kolenang
3.   male’ katopa’
4.   kelmodhan
5.   dhabuna
6.   tokoh
7.   lenge ban pedher ([     ]  )
8.   da-pada/a-a-a-a
9.   dhaddhi
10. ta’ narema bajaran/opa

III.  UT
1.   jhung bhangettan, jhung ceppettan, jhung santa’an,  jhung gaccangan, jhung bhanterran
2. Engghi, Nom, kaula asarengnga ale’ namong aparenga oneng dhimen da’ ebhu manabi eparengaghi.
3.   [dok/r [v[s k[c/
4.   Bhata etata eparata.
5.   bisat, lajar, cekcek  h  /  =

Source: http://mrasyadutsuasbmadurasemester1.blogspot.co.id/ 
Baca Juga soal-bahasa-madura-dan-kunci-jawaban_UAS-kelas 6 
Baca Juga soal-bahasa-madura-dan-kunci-jawabn-UAS-kelas 5 
Baca Juga soal-bahasa-madura-dan-kunci-jawaban_UAS Kelas 4 
Baca Juga soal-bahasa-madura-dan-kunci-jawaban_UTS kelas 6 
Baca Juga soal-bahasa-madura-dan-kunci-jawaban_UTS kelas 5
Baca Juga soal-bahasa-madura-dan-kunci-jawaban.UTS kelas 4