Soal Bahasa Madura dan Kunci Jawaban UTS Kelas 4

              Kirangan !


Ghi’ lamba’  e Madhura, bada reng dhisa toto’ dhi-ngoddhi entar ka Jhaba. Karebba terro taowa ca’ Jhaba.  Dapa’ ka Jhaba bakto jar-kalenjar ngeterre kotta ban kanca Jhabana reng dhisa ghella’ ero’ jhalan nya’-tanya’an da’ kancana, Oca’na, “Sapa se andi’ roma ja-raja rowa?”. Kancana nyaot, “Kirangan”. Reng dhisa toto’ ghella’ gu’-onggu’an pas ngoca’, “O, kaya ongghu Kirangan”. Sambi ajhalan atanya pole, “Sapa se andi’ tor-motor rowa? Kancana nyambhit, “Kirangan”. Salanjhangnga jhalan e kotta, reng dhisa ghella’ apal-pal nya’-tanya’an da’ kancana. Bhan ngatela apa’a bhai se dhaddhi kasambu’na meste esoalaghi da’ kancana. Serrena kancana ta’ tao teptep ejawab kirangan. Tape reng dhisa se ghendeng ghella’ apanyangka kirangan nyamana oreng se kaya raya. Ta’ abit se ajhalan pas ngatela reng mate eosong pas atanya da’ kancana, “Sapa rowa se mate?”. Kancana ajawab, “O, jareya kirangan!”. Ngeding jawabba kancana reng dhisa ghella’ lajhu nanges guk-sergughan sambi ngoca’, “Adu, neserra Le’ Kirangan kaburu maaate, engko’ ghi’ ta’ kennal sakaaale! ”.
Saellana tobuk jar-kalenjar reng dhisa ghella’ akaleya’ se moleya ka Madhura pas amit da’ kancana. Dapa’ ka Madhura pas ala-bala pangalamanna da’ bala tatanggana. E ada’na tatanggana se ajharabhing reng dhisa ghella’ ngoca’, “E dinna’ reya tada’ reng kaya se lebbi kaaaaya dari Kirangan”. Tatanggana tapajaja’ pas ngoca’, “Enja’ raaa, ma’ da’ iya?”. Reng dhisa se ghendeng ghella’ pas nerrossaghi kandhana, “Sengko’ neng Jhaba bannya’ atanya da’ kanca. Apa’a bhai se etanya’aghi bi’ sengko’ molae dari roma se ja-raja, ko-toko, tor-motor ban en-laenna jareya sapa’an se andi’ kanca terros ajawab kirangan-kirangan-kirangan. Dhaddhi oreng se anyama Kirangan reya pajhad lakar kaya ongghu banne dha-kendha”. Ngeding kandhana reng dhisa ghella’ tatanggana pas aghella’an kabbhi sambi kak-ngalakkak ato’-bato’. Reng dhisa se ghendeng ghella’ ghi ta’ ghellem ngarte ghella’na tatanggana mala pas ngoca’, “Ma’ pas kak-ngakak kabbhi ma’ pada ban etek?”. Tatanggana nyaot, “Ba’na reya penter tape  ghendengnga sakaddhu’ ra’-ra’, ba’na sala ngarteaghi bhasa, kirangan reya banne nyamana oreng tape artena ta’tao”. Reng dhisa se ghendeng ghella’ dhuli nyalko’ ta’ enda’ kala, “Iya, mon da’ iya ba’na pada ta’ taona, ghun tao kak-ngakak”. Serrena reng dhisa ghella’ bhudhu ban pengko pagghun bhai se manglowa reng laen ta’ enda’ epabhender. Tatanggana cremmet kabbhi pas lobar mole ka bengkona sambi aghella’an kak-ngalakkak. (M. Rasyad)

I. Berri’i bunterran horop a, b, c otaba d neng sala settong jawabhan se paleng bender !
   Soal no.1 sampe’ no.5 jawabbha nyare neng careta e attas!
1.   Apa karebba reng dhisa neng careta e attas entar ka Jaba? Terro ……
a. aca’ jaba’a   b. da’ balana             c. apangalamanna d. jar-kalenjarra
2.   Ma’ atanya malolo reng dhisa ghella’? Polana ……….
      a. ta’ tao            b. kasambu’                          c. lebur                       d. bhlengnger
3.   Arapa ma’ gha-tatangghana aghella’ kak-ngalakkak?Polana reng dhisa
      a. loco               b. o-matao                 c. sala ngarteaghi bhasa   d. sala nebbhak
4.   Karangan careta e attas angghidhanna
      a. M. Drajid       b. M. Rasyad             c. R. Taha                  d. Sabadin  
5.   Arapa ma’ tatanggana cremmet kabbhi da’ reng dhisa ghella’? Polana
      a. meller            b. bhudhu                 c. ghendeng             d. pengko
6.   Embhuk ghi’ bhuru mole dhari pasar.
      Okara panyapa sebender kalaban aghunaaghi bhasa engghi bhunten: .
      a. Dhari ka’dimma, Bhuk?                c. Asareng pasera dhari pasar, Bhuk?
      b. Meyossa da’ ka’dimma, Bhuk?    d. Abalanjha napa, Bhuk?
7.   Kana’ bine’ rowa obu’na ghambha’ …………………….
      Pangalemma obu’ se sorop ngesse’e ti’-titi’ neng okara e attas ……..
      a. ale’-pale’      b. calekker                 c. nyasar bangkong d. rut-jarut
8.   [aose/    ebaca …………
      a. osar               b. oser                        c. loset                        d. lose
9.   Oca’ “sengko’” tolesan carakan madhurana ………………..
      a. [s=kih        b. [s/[koh            c. s=[kh                  d. [s=[koh
10. Ngala’ sere epepesa.
Esarenga ghan sakone’.
      Kaneserre oreng towa.
      Se meyara kabit kene’.
      Pantun e attas aesse ......................
      a. bhak-tebbhaghan  b. Baburughan         c. la-locon      d. Agama
11. Bardi bari’ eghighiri so eppa’na. Bhasa engghi bhuntenna “so”......
      a. esentak        b. eombang               c. sareng                    d. edhikane
12. Pa’ Noer bekkas Gubernur Jhaba Temor.
      Laen oca’na “bekkas: ........
      a. toman daddi                        b. meddhet                c. epeccat      d. neng-enneng
13. Cong Samardin dateng dhi-modhian. Dhi-modhian artena ..................
      Abak modhi     b. paleng modhi       c. dhi-budhi               d. lat-telladh
14. Kaator da’ Pa’ Rasyad
e Duko Temor Disa Pakong
Okara e attas neng sorat enyamae ......................
a. salam pamokka’      b. essena sorat         c. salam panotop      d. alamat sorat
15. kefDh  pangangghuy e attassa aksara ”ka” enyamae ...................
      a. papaten        b. pedher                   c. petpet                     d. soko malja

II. Esse’e ti’-titi’ ban oca’ sebender/sorop!
1.    Pongghi’ ngoda nyare elmo.
Elmo dunnya empon tanto.
Kaangghuy ghabay bhandha lako.
Sangona odi’ ....................
2.    “Pasera se meyos da’ dhalemepon Ke Moner?”
Artena meyos ....................
3.    Madhura reya kalonta dhari bujana. Kalonta artena ....................
4.    m}=[zot\   ebaca .................
5.    Ba’na kabbhi berka’ dhari dinna’ sampe’ ghan engghun dissa pas abali pole!  Engghun artena .......................
6.    ”Ba’ Sota ce’ taona.” Ce’ taona bhasana ce’ onengnga, bhasa laenna ..
7.    Monyena teteddha tada’ peggha’na, nandhaaghi monyena  ..................
8.    Lengsa ban longse neng latenna enyamae .......... ban ...........
9.    [a[t=[zoh  ebaca ....................................
10. ”prengga” tolesan carakan Madhurana ............................

III.Jawab petanya reya kalaban bender!
1.    Oddhi toles da’ carakan Madhura! Oca’ ”proka somangka jareya ”
2.    Bhasaaghi okara reya! Tasmakka Eppa’ ceccer e Pasar Pakong.
3.    Apa bhasa alossa oca’ ngakan, sake’, enja’, ban iya?
4.    Toles bangonna pangangghuy panyeghek: bisat, lajar, ban cekcek!
5.    Sebbhuddhaghi dha-tandhana pantun!


KONCI JAWABHAN UTS Semester 1 Bhs. MADURA KLS 4
I.
1.    a
2.    b
3.    c
4.    b
5.    d
6.    a
7.    c
8.    b
9.    d
10. b
11. c
12. a
13. b
14. d
15. c

II.
1.    sanonto
2.    entar
3.    kaotara, kaonar, kaoncar, kasohor
4.    mrengngot
5.    kennengngan
6.    ce’ ngaghalina, ce’ pareksana
7.    ce’ lanjhangnga
8.    koma ban titi’
9.    etengngo’
10. [p=]g

III.
1.    [p]ok[som=kj[ry
2.    Pangoladhanna Rama kadhingghalan e Pasar Pakong.
3.    adha’ar, songkan, bhunten ban engghi.
4.    bisat = h , lajar =  /, ban cekcek = =
5.    – sapaddhana bada 4 bhiri
-   2 bhiri se da’-ada’ samperan
-   2 bhiri se dhi-budhi essena
-   sabhirina bada 8 keccab
-   monye keccab se dhi-budhi etonganna a-b-a-b



Source: http://mrasyadutsuasbmadurasemester1.blogspot.co.id/
Baca Juga soal-bahasa-madura-dan-kunci-jawaban_UAS-kelas 6 
Baca Juga soal-bahasa-madura-dan-kunci-jawabn-UAS-kelas 5 
Baca Juga soal-bahasa-madura-dan-kunci-jawaban_UAS Kelas 4 
Baca Juga soal-bahasa-madura-dan-kunci-jawaban_UTS kelas 6 
Baca Juga soal-bahasa-madura-dan-kunci-jawaban_UTS kelas 5
Baca Juga soal-bahasa-madura-dan-kunci-jawaban.UTS kelas 4